स्वस्थ जीवन सम्पत्ति कमाउने मूल आधार

उद्योगपति भनेपछि स्वभाविक रुपमा पैसावाल व्यक्तिको अनुहार नाच्छ । तर कतिपय उद्योगपतिलेचाहिँ पैसालाई भन्दा स्वास्थ्यलाई पहिलो प्राथमिकतामा राखेका हुन्छन् । कर्पोरेट सेक्टरका व्यक्तिहरु जो बिहानदेखि बेलुकासम्म आफ्नो करियरमा समय बिताउँछन् । उनीहरुको स्वास्थ्य कस्तो रहेछ ? र उनीहरुले आफ्नो स्वास्थ्यप्रति कति ख्याल गर्छन् ? हामी यस्ता व्यक्तिहरु खोज्छौं र स्वास्थ्य र सम्पत्तिको सम्बन्ध जोड्छौं । यो स्तम्भवबाट अरुलाई पनि प्रेरणा होस् कि काम सँगसँगै आफ्नो स्वास्थ्यलाई पनि ख्याल गर्नुपर्छ । स्वस्थ शरीर, स्वस्थ दिमागले स्वस्थ र स्वच्छ बिजनेश गर्नसक्छ भन्ने हाम्रो मुल उद्देश्य हो । यसपटक हामीले निम्त्याएका छौं, उद्योगपति प्रदिपकुमार श्रेष्ठलाई । प्रदिपकुमार श्रेष्ठको परिचय उद्योगीको मात्र छैन । सार्क चेम्बर अफ कमर्सको नेतृत्व गरेर नेतृत्व क्षमता देखाइसक्नुभएका श्रेष्ठ,सबैभन्दा युवा उमेरमै नेपाल उद्योग वाणिज्य महासंघको नेतृत्वमा पुग्नुभएको थियो । नेपालको प्रसिद्ध औद्योकि घराना पञ्चकन्या उद्योग समूहको प्रबन्ध निर्देशक, उद्योग बाणिज्य महासंघको पूर्व अध्यक्ष, एसिया प्यासिफिक च्याम्बरको उपाध्यक्ष, साउथ अफ्रिकाको अनरेवल काउन्सिलर प्रदिपकुमार श्रेष्ठलाई चिनाउन यिनै जिम्मेवारी काफी छन् ।संलग्नतापञ्चकन्या उद्योग समूहको लगानी अन्तर्गत ह्याम्स हस्पिटल चलिरहेको छ । पञ्चकन्या उद्योग नेपालका आम जनता र उपभोक्तामा परिचित नाम हो । यसको पूर्वदेखि पश्चिमसम्म विभिन्न उद्योग व्यवसाय सञ्चालित छन् । स्वास्थ्य, शिक्षा,विकास निर्माण, औद्योगिक उत्पादन, फाइनान्स,इन्स्योरेन्स र हाइड्रोपावर कम्पनिहरुमा पञ्चकन्या गु्रपको लगानी छ ।स्वास्थ्य ठूलो बजारनेपाललगायत विश्व बजारमा हेल्थ इन्डस्ट्रीको ठूलो महत्व छ । तर मुलुकभित्र स्वास्थ्य क्षेत्रमा प्रशस्त अवसरहरु नहुँदा स्वदेशी पुँजी पलायन भइरहेको छ । डाक्टर नर्स लगायतका दक्ष एवं योग्य व्यक्तिहरु स्वदेशमा अवसरको अभावमा पलायन भइरहेका छन् । त्यसैले नेपालमा पनि स्वास्थ्य क्षेत्रमा लगानी हुन सकेमा पूँजी र दक्ष जनशक्तिको पलायनलाई रोक्न निकै मद्धत गर्छ । स्वास्थ्य उपचारका लागि मुलुकबाट धेरै पूँजी विदेशतिर पलायन भइरहेको छ । त्यसैले स्वास्थ्यप्रति सचेत हुनुपर्छ । प्रशस्त लगानी हुनुपर्छ । यो क्षेत्रले प्रशस्त रोजगारका अवसरहरु प्रदान गर्न सक्छन् । स्वास्थ्य उपचार सेवामा नेपाल उत्कृष्ठ गन्तव्य बन्न सक्छ । यहाँको अनुकूल हावापानी र वातावरणले नेपाल संसारको एउटा राम्रो हेल्थ सेन्टरको गन्तव्य बन्न सक्छ । संसारमा अबको ठूलो इन्डस्ट्री भनेकै हेल्थ सेक्टर हो । स्वस्थ हुँदा सोचाई राम्रो हुने रहेछ । घरमा एउटा बिरामी हुँदा उसले चार जना स्वस्थ व्यक्तिलाई बिरामी पार्छ भन्ने भनाइ छ । त्यसैले हेल्थ इज वेल्थ । स्वास्थ्यमा सम्झौता गर्न मिल्दैन । त्यहि भएर म स्वास्थ्यमा सम्झौता गर्दिन र स्वास्थ्य सेक्टरमा लगानी गर्न हामी उत्साहित भएका छौं ।सामाजिक उद्देश्यस्वास्थ्य क्षेत्रमा कोर लगानीको रुपमा हेर्ने व्यापारीहरुले नाफाको आशा राख्लान् । लगानी गरेपछि नाफाको आशा राख्नु नराम्रो कुरा होइन । तर हाम्रो चाँही धेरैजसोको लगानी बिबिधता होस् भन्ने पनि हो । तत्काल राम्रो नाफा पाउने आशाले मैले स्वास्थ्य क्षेत्रमा लगानी गरेको होइन । चिकित्सा अध्ययन गरेकाहरुका लागि रोजगारको अवसर दिने आधार पनि भएकाले केही नयाँ गरौं भन्न खोजेको हो । आफ्नो परिवारको कुनै सदस्य बिरामी हुँदा उपचारका लागि सहुलियत दरमा हुनसक्छ भन्ने एउटा आश पनि हो हेल्थसेक्टरमा लगानी गर्नुको प्रमुख कारण ।वर्तमान स्वास्थ्य अवस्थामलाई ३० बर्षअघि भेटेका साथीभाइ इष्टमित्रहरुले अहिले पनि खासै परिवर्तन नभएको बताउने गर्छन् । यसले मेरो स्वास्थ्य ठीक भएको महसुस हुन्छ । उमेरले ५ दशक बितिसकेको छ । स्वास्थ्यको दृष्टिले निरोगी छु । मेरो शारीरिक र मानसिक अवस्था मजबुत छ । म सानैदेखि खेलकूदमा संलग्न हुने कारण पनि मेरो शरीरको संरचना स्वस्थ रहेको हुनसक्छ । बाल्यावस्थादेखि नै फूटबल लगायतका विभिन्न खेलकूदहरुमासंलग्न हुँदै आएको छु । अहिले मैले नियमित गल्फ खेल्ने गरेको छु । बिहान समयमा उठ्ने गरेको छु । गल्फ खेल्न नगएको बेलामा म मर्निङ वाक गर्छु ।मलाई प्राय खुला हावामा खेलिने खेलहरुमा संलग्न हुन मन लाग्छ । गेम खेल्दा मर्निङ वाक जस्तो पनि हुने भएकाले प्राय म बिहानको समयमा नियमित खेलकूदमा संलग्न हुने गर्छु । मलाई प्रतिस्पर्धी खेल (कम्पिटेटिभ गेम) निकै मन पर्छ । स्वास्थ्यको दृष्टिकोण मात्र नभएरकम्पिटेटिभ खेलले निकै आनन्दित तुल्याउने भएकाले म यसमा निकै नै लगनशील छु । गेममा मैले धेरै नै ट्रफी जितेको छु । खेलमा हारजित हुन्छ र बिजनेशमा नाफा नोक्सान हुन्छ । स्पोस्र्टस मेनमा स्पिरिट हुनुपर्छ । खेलमा मिहिनेत गरेमा जीत हुन्छ भनेजस्तै आफ्नो व्यापार व्यवसायमा पनि मिहिनेत गरेमा त्यसको प्रतिफल आउँछ र त्यसलाई स्वस्थ तरिकाले प्रतिस्पर्धा गर्ने र स्वस्थ तरिकाले व्यापार गर्दा त्यसबाट लाभ प्राप्त गर्न अवश्य सकिन्छ । हेल्दी माइण्ड, हेल्दी सोचाई व्यक्ति निरोगी भएमा हेल्दी माइण्ड हेल्दी सोचाइ हुन्छ र काम गर्नमा जागरुकता ल्याउँछ । यसका साथै व्यक्तिमा सकारात्मक भावनाको विकास गराउँछ । त्यसैले म हेल्थसँग गेम लिंक गर्न सक्छु । स्वास्थ्यलाई हेरचाह पु¥याउन सकेका कारण संभावित रोगहरुबाट बच्न निकै मद्धत गरेको छ । त्यसैले स्वास्थ्यका लागि खेलले महत्वपूर्ण भूमिका निर्वाह गरिरहेको हुन्छ । मैले खेल्ने खेल पहिला पहिला एथलेटिक्स खेल पनि खेल्ने गर्थें । फूटबल मेरो मुख्य खेल थियो । म स्कूलदेखि कलेज र विश्वविद्यालय क्याप्टेनसम्म भएर फूटबल खेलेको छु । मैले अञ्चल र राष्ट्रियस्तरसम्मको फूटबल खेलाडी भएर खेलेँ । म फास्ट गेम खेल्ने मान्छे हुँ । स्क्वासजस्तो कडा खेल खेल्न पनि पछि परिन । यसको राष्ट्रियस्तरसम्मको खेलमा प्रतिस्पर्धा गर्न सक्थेँ । अहिलेको पछिल्लो समयमा आएर गल्फ मेरो निकै चाहनाको खेल हो । यसमा पनि मैले धेरै राष्ट्रिय तथा अन्तर्राष्ट्रिय अवार्डहरु जितिसकेको छु । लामो समय फूर्सद हुँदा गोकर्णमा गएर सात आठ घण्टा गल्फ खेल्ने गर्छु । थोरै समय भएको बेला घरमा खेल्ने गर्छु । कहिलेकाँही ब्याडमिन्टन खेल्ने गर्छु । बेला बेलामा मर्निङ वाक गर्छु । आफ्नो खानपीनमा विशेष ध्यान दिने गर्छु ।शारीरिक परीक्षणहरेक वर्ष एकपटक होल बडी चेकअप गराउने गर्छु ।खानपानम खानामा केही बार्दिन । तर खाएपछि पचाउनुपर्छ । यही खानुपर्छ र यहि खाना बार्नुपर्छ भन्ने छैन ।खुशीआफू स्वस्थ हुँदा खुशी लाग्छ । स्वस्थ शरीरले त स्वस्थ विजनेश गर्न सक्छ नि । म जे छु यसैमा मेरो प्रगति छ यसैमा खुसी छ ।चिन्तामानिसको जीवनमा उतार चढाउन भइरहन्छ । यो जहिले पनि हुनसक्छ । सँधै गुलियो मात्र हुँदैन कहिलेकाँही नुनिलो पनि हुने गर्छ । नुनिलो र गुलियोको स्वाद बेला बेलामा भइरहन्छ । आफूले सोचेको कुरा नपुगेमा वा आफूले राम्रो सोच्दा सोच्दैमा पनि अरुले नराम्रो भन्दिदा चिन्ता लाग्ने गर्छ । आफूले पाउनुपर्ने कुरा किन नपाएको होला भनेर चिन्ता नभई चिन्तन गर्छु । यो मेरो स्वभाव हो ।कमजोरीम धेरै दयालु छु र धेरै चाँडो मानिसलाई विश्वास गर्छु । यसले मलाई धोका पनि हुने गर्छ । मेरो कमजोरी भनेको हरेक कुरालाई महत्वकाक्षी भएर हेर्ने गर्छु । आँट्यो भने के हुन सक्दैन र भन्ने सोच्ने गर्छु । प्रोगेसिभ सोचाई भएको व्यक्ति हुँ, कहिलेकाहीँ फसाइदिन्छन् । स्वास्थ्य र सम्पत्तिमध्ये कुनै एक रोज्नुपर्दा स्वास्थ्य नै रोज्ने हो । स्वस्थ जीवनले सम्पत्ति कमाउन सक्छ ।स्वस्थ रहने सुझावयुवा पुस्तामा जंक, फ्राइड फूडको लत बसेको छ । यो मीठो होला तर स्वास्थ्यका लागि राम्रो मानिदैन । त्यसैले अर्गानिक र प्राकृतिक भेजिटेबलमा जोड दिनुपर्छ । आफूले खाएको पचाउनुपर्छ । पानी आवश्यक मात्रामा पिउनुपर्छ । समयमा सुत्ने र समयमा उठ्ने बानी हुनुपर्छ । आफ्नो स्वास्थ्यका लागि केही समय छुट्याउनुपर्छ । स्वास्थ्यलाई हेलचेक्राई गर्नै हुँदैन । रोग लाग्न नदिने विभिन्न उपायहरु अबलम्बन गर्नुपर्छ । स्वस्थ र सकारात्मक सोच्नुपर्छ । मानिस गरीब भएर जन्मनु पाप होइन तर गरिब भएर मर्नु पाप हो । त्यसैले स्वस्थ जन्मेको व्यक्ति रोगी भएर किन मर्ने ? समयमा ख्याल पु¥याएमा राम्रो हुन्छ ।मेरो खाना तालिकाबिहानमनतातो पानी पिउने, मनतातो पानीमा एक चम्चा बेसार राखेर खाने, ब्रेक फास्टमा टोष्ट अण्डा, फलफूल ।दिउँसोदिउसोका खाना साधारण दालभात हुने गर्छ । घरमा गएर खाना खाने बानी छ । मेरो ९० प्रतिशत खाना घरमा नै बनाएको हुन्छ । जहा भए पनि खाना खान घर जाने गर्छु ।बेलुकाबेलुका रोटी तरकारी । कहिले भेजिटेबल, नुडल्स आदि हुने गर्छ । बेलुका हल्का खाना खानुपर्छ ।